Art brut ? Òi... cal puslèu dire :
art oportunista ; e fug l'òbra !
Mon biais, es amassar d'objèctes trabalhats per « d'autres » :
fargats, copats, usats per d'umans ; faiçonats pel temps, las aigas, las bestiòtas.
E tanben de plumas, d’òsses, d’algas, de cauquilhas...
de rafatalhas de totas menas, abandonats al fons d'un cabinet,
sus la broa d’una carriera o sus l’arèna de la plaja…
Perque lor forma, lor matèria o lor color m'inspiran.
E subretot qu'es lo resultat d'un trabalh qu'auriái pas jamai capitat de faire ieu meteis.
Puèi, me demòra pas mai qu'a ne faire autre causa.
Un pauc de trabalh ça que la.
Mas de còps tan pauc…
Nascut en 1954 a Nissa, regent d'escòla, pùei jornalista a París trenta annadas de temps amb lo escais-nom de Bernard Montelh, debutèri lo mieu travalh plastic dins las annadas 1990.
Resti e travalhi a Pinet, dins Erau, e a Sant-Africa, en Rouergue.